«Ըստ ստորագրված պայմանագրի, ռուսական զորքերի տեղակայմանը զուգընթաց պետք է հայկական զորքը դուրս բերվեր, բայց առ այսօր ո՛չ մեր երկրի նախարարություն, ո՛չ Արցախի ՊՆ-ն որևէ հստակ պատասխան մեզ չեն տալիս»,- ասում էին ՊՆ-ի դիմաց բողոքի ցույց անող ժամկետային զինծառայողների ծնողները։ Հարազատներից մեկն էլ ներկայացնելով զինծառայողների վիճակը, ասաց․ «Զինվորները հազում են, բոլորի մոտ գրիպոզ վիճակ է, ու ոչ մեկը երաշխիք չի տալիս, որ իրենք ավելի վատ վիճակում չեն հայտնվի: Պայմաններ չկան, ոչ մի ծածկ չկա, քնում են անտառային կենդանիների ու փտած դիակների կողքին»։

Հիշեցնենք՝ ՊՆ-ի դիմաց հավաքված զինծառայողների հարազատները բողոքում են, որ իրենց երեխաները առողջության, հանգստի, հիգիենայի հետ կապված խնդիրներ ունեն։