Երևան քաղաքի ընդհանուր իրավասության դատարանը՝ դատավոր Աննա Դանիբեկյանի նախագահությամբ, հետաձգեց ՀՀ 2–րդ նախագահ Ռոբերտ Քոչարյանի և Արմեն Գևորգյանի կաշառքի գործով նիստը՝ մինչև սեպտեմբերի 20-ը։ Ռ. Քոչարյանի պաշտպան Հայկ Ալումյանը հայտնեց, որ իր պաշտպանյալի մոտ ախտորոշվել է կորոնավիրուս․ «Պարոն Քոչարյանը հուլիսի 14-ին թեստ է հանձնել, և պարզվել է, որ նրա մոտ ախտորոշվել է կորոնավիրուս»,- դատավորին ասաց փաստաբանը։ |