+27 °C, +15 °C ... +28 °C Վաղը`+28 °C
Քաղաքագետ Սուրեն Սուրենյանցի գրառումը. «Իրանի հոգևոր առաջնորդ Այաթոլլահ Խամենեին թվիթերում գրառմամբ կրկնել է Իրանի դիրքորոշումը: «Մենք ուրախ ենք տեսնել Ղարաբաղի վերադարձն Ադրբեջանին: Իհարկե, եթե Իրան-Հայաստան սահմանը փակելու քաղաքականություն լինի, Իսլամական Հանրապետությունը դեմ կլինի, քանի որ այս սահմանը 1000-ամյա կապող երթուղի է»։ ✓ Արդեն երկու օր է` պաշտոնական Թեհրանը հետևողականորեն կրկնում է այս դիրքորոշումը։ Այն ամբողջովին հայանպաստ համարելը, ինչպես կարծում են մեր փորձագիտական ու քաղաքական որոշակի շրջանակներ, ճիշտ չէ։ Պաշտոնական Թեհրանը, ըստ էության, ընդունում է 44-օրյա պատերազմի արդյունքները, ավելին` Արցախի պատկանելիությունն Ադրբեջանին։ Մյուս կողմից, Թեհրանին ակնհայտորեն դուր չեն գալիս ռուս- թուրքական տարածաշրջանային որոշակի համաձայնություններ ու այս համատեքստում է հիշատակվում հայ- իրանական սահմանի խնդիրը։ Խորապես համոզված եմ, որ Թեհրանն ավելի գլոբալ դժգոհության պատճառ ունի ու ենթադրաբար` դա պայմանավորված է ռեգիոնալ համագործակցության համակարգում նրան վերապահված դերակատարությունից։ «Վերապահողները» Թուրքիան ու Ռուսաստանն են, պատահական չէ, որ Իրանի քաղաքական ղեկավարությունն այս դիրքորոշումը երրորդ անգամ կրկնում է` Թեհրան Պուտինի ու Էրդողանի այցի համատեքստում։ Համոզված եմ նաև, որ, այսպես կոչված, Զանգեզուրի միջանցքը միայն առիթ է, իսկ Թեհրանի դժգոհություններն ավելի գլոբալ ենթատեքստ ունեն»։ |
ՄԱՄՈՒԼ.ամ - Նորություններ Հայաստանից, Արցախից (Լեռնային Ղարաբաղ) և աշխարհից
Նյութերի հրապարակումն առանց խմբագրության գրավոր թույլտվության արգելվում է:
Կայքի նյութերի մասնակի/ամբողջական հեռուստառադիոընթերցումն առանց ՄԱՄՈՒԼ.ամ-ին հղման արգելվում է:
Գովազդների բովանդակության համար կայքը պատասխանատվություն չի կրում:
Հասցե` Հայաստանի Հանրապետություն, ք. Երևան, Չարենցի 1:
Հեռ.` +374 (10) 55-20-59
Էլ. փոստ` info@mamul.am
Հեռ.` +374 (91) 99-22-02
Էլ. փոստ` marketing@mamul.am