Ամեն տարի սեպտեմբերին նոր ուսումնական տարվա մեկնարկի հետ Ալավերդու Մադան թաղամասի դպրոցական երեխաներ ունեցող ընտանիքները խնդրի առաջ են կանգնում։ Թաղամասում դպրոց չկա, Մադանը քաղաքի կենտրոնի հետ կապող երթուղային՝ նույնպես։ Երեխաները դպրոց չեն գնում այնքան, մինչև որ Լոռու մարզպետարանը, Ալավերդու համայնքապետարանն ու դպրոցը կլուծեն տրանսպորտի խնդիրը։

Այս ուսումնական տարում Մադանի երեխաները դպրոց գնացել են միայն սեպտեմբերի 1-ին՝ գիրք ստանալու նպատակով։ Հաջորդիվ արդեն երթուղայինը նրանց դպրոց կհասցնի սեպտեմբերի 12-ից սկսած, ներկայացնում է «Անկյուն+3» հ/ը-ը: