Ստամբուլի օդանավակայանի անվտանգության աշխատակիցներնը Դուբայից Ստամբուլ ժամանած իրանցի ուղևորուհի Հելմա Ս-ի ներքնազգեստի և կոշիկների մեջ հայտնաբերել են 30 մլն թուրքական լիրա (մոտ 1,1 մլն դոլար) արժողությամբ ադամանդներ, հայտնում են թուրքական լրատվամիջոցները։
Օդանավակայանի աշխատակիցները զննել են կնոջ տեղաշարժերի տեսագրությունները՝ ինքնաթիռից իջնելուց և օդանավակայանի տարածքում և կանգնեցրել ուղևորին՝ մաքսային տարածքից հեռանալիս։ Կնոջ ուղեբեռը զննելիս կասկածելի ոչինչ չի հայտնաբերվել։ Անվտանգության ստուգման ժամանակ Հելմա Ս-ի ներքնազգեստի և կոշիկների զննությունից հետո հայտնաբերվել են տարբեր չափերի և քաշի ադամանդներ, որոնք իրանցի կինը փորձել է մաքսանենգ ճանապարհով ներմուծել երկիր։

Ադամանդները առգրավվել են։ Ձերբակալվածին տեղափոխել են Ստամբուլի օդանավակայանի ոստիկանական բաժանմունք։

Անհրաժեշտ ընթացակարգերը կատարելուց հետո նա հանձնվել է Միգրացիոն հարցերի գրասենյակի աշխատակիցներին, որտեղ որոշում է կայացվել նրան արտաքսել երկրից