+31 °C, +17 °C ... +31 °C Վաղը`+28 °C
Ռուսական «Առաջին ալիք»-ով հեռարձակված հաղորդումից հետո, որը նվիրված էր ՀՀ վարչապետ Նիկոլ Փաշինյանին ու իր քաղաքական գործունեությանը, Հայաստանում Ռուսաստանի դեսպան Սերգեյ Կոպիրկինին բողոքի նոտա են հանձնել, գրում է Lenta.ru-ն։ «Թողարկման մեջ ասվում է, որ Փաշինյանը պատրաստ է հանձնել բոլորին և ամեն ինչ։ Թողարկումը ստացել է «Նիկոլ Փաշինյանը՝ փորձանքի բոթաբեր» անվանումը։ «Մեր այսօրվա կերպարն ստացել է հնչեղ մականուն՝ «ասֆալտփռիչ», սակայն խոսքը ոչ թե ճանապարհների մասին է, ինչպես կթվա առաջին հայացքից, այլ ասֆալտի հանդեպ Փաշինյանի սիրո մասին։ Նա բոլորին փռում է ասֆալտին՝ դրանով Հայաստանը ԱՄՆ-ի ասֆալտի տակ փռելով»,- ասում է շոուի հաղորդավարուհին։ Նշվում է, որ Եվրոխորհրդարանում ունեցած իր ելույթով Փաշինյանը «հայկական պետությունը լիակատար և անվերապահորեն հանձնեց եվրոպական ճիրաններին»։ Թողարկմանը մասնակցել է նաև «Մայր Հայաստան» ընդդիմադիր դաշինքի ղեկավար Անդրանիկ Թևանյանը, ով Փաշինյանին անվանել է Արևմուտքի խամաճիկ: «Սա հայ Սաակաշվիլիի և Զելենսկիի խառնուրդն է։ Նա հասկանում է, որ իշխանությունը հանձնելուց հետո իրեն կդատապարտեն, և ինքն ուղղակի վախենում է, դրա համար էլ աթոռից կառչում է, իսկ դա իրեն խամաճիկ է դարձնում Արևմուտքի համար»,- ասել է Թևանյանը։ Հաղորդավարուհին խոսել է Փաշինյանի չկատարած խոստումների մասին։ Այսպես, նա հայտարարել է, որ քաղաքական գործիչը խոստացել է վերացնել կոռուպցիան, իսկ իրականում ֆինանսական ուղիներն ուղղել է կոռուպցիոն մի ձեռքից մյուսը։ Ավելի վաղ Մոսկվայում քննադատել են Փաշինյանի ելույթը Եվրոխորհրդարանում։ Մոսկվայում ելույթը դիտարկել են որպես սադրանք և ասել, որ Փաշինյանը գնում է Զելենսկիի հետքերով։ Իսկ մինչ այդ Փաշինյանը հայտարարել է, որ երկիրը դուրս կգա ՀԱՊԿ-ից, եթե այն համարի «անգործունակ կազմակերպություն»»,- գրում է աղբյուրը։ |
ՄԱՄՈՒԼ.ամ - Նորություններ Հայաստանից, Արցախից (Լեռնային Ղարաբաղ) և աշխարհից
Նյութերի հրապարակումն առանց խմբագրության գրավոր թույլտվության արգելվում է:
Կայքի նյութերի մասնակի/ամբողջական հեռուստառադիոընթերցումն առանց ՄԱՄՈՒԼ.ամ-ին հղման արգելվում է:
Գովազդների բովանդակության համար կայքը պատասխանատվություն չի կրում:
Հասցե` Հայաստանի Հանրապետություն, ք. Երևան, Չարենցի 1:
Հեռ.` +374 (10) 55-20-59
Էլ. փոստ` info@mamul.am
Հեռ.` +374 (91) 99-22-02
Էլ. փոստ` marketing@mamul.am