Քաղաքական վերլուծաբան Վահրամ Աթանեսյանը ֆեյսբուքյան իր էջում գրում է. «Երևանում, այլ քաղաքներում, ավաններում և գյուղերում վարձով ապրող բռնագաղթված արցախցին ինչպե՞ս կարող է հաշվառվել իր փաստացի բնակության վայրում, որևէ մեկը կարո՞ղ է բացատրել: Հենց թեկուզ էլեկտրոնային հարթակ ստեղծողը, որ ասում է՝ կարող եք գրանցվել և ստանալ ձեր թոշակները, նպաստները, բայց միայն բնակության վայրում հաշվառվելու դեպքում: Թող էդ մարդը տանտիրոջը համոզի, որ իրեն պատկանող բնակարանի վարձակալ արցախցին ընտանիքով հանդերձ հաշվառվի էդ նույն բնակարանի հասցեով: Սա ի՞նչ անուն ունի: Էդ թոշակները, նպաստները տասնամյակներով Հայաստանի բյուջեից չեն վճարվե՞լ: Շարունակեք վճարել, ի՞նչ է պատահել»: |