Իսրայելի վարչապետ Բենիամին Նեթանյահուն չի համաձայնել Գազայի հատվածում հնգօրյա հրադադար հաստատելու առաջարկին` պատանդների մի մասին ազատ արձակելու դիմաց։ Այս մասին հայտնում է բրիտանական The Guardian թերթը՝ վկայակոչելով աղբյուրներին։

Ինչպես նշում է թերթը, Իսրայելի վարչապետը կտրականապես մերժել է գործարքը բանակցությունների վաղ փուլում այն ​​բանից հետո, երբ հոկտեմբերի 7-ին ՀԱՄԱՍ-ի զինյալները հարձակվել են Իսրայելի տարածքի վրա։

Լրատվականի այլ աղբյուրների համաձայն, բանակցությունները, որոնք անցկացվել են ցամաքային ներխուժումից առաջ, վերաբերում էին շատ ավելի մեծ թվով պատանդների, և, ընդ որում, ՀԱՄԱՍ-ն առաջարկել է ազատ արձակել տասնյակ օտարերկրյա քաղաքացիների։