ԱՄՆ պաշտպանության նախարար Լլոյդ Օսթինը հայտարարել է, որ Վաշինգթոնը չի պատրաստվում Իսրայելին թելադրել Գազայում ռազմական գործողությունների անցկացման ժամկետները, գրում է Bloomberg-ը: «Սա Իսրայելի գործողությունն է, և ես այստեղ չեմ՝ պայմաններ կամ ժամկետներ թելադրելու համար: Մեր աջակցությունն Իսրայելին ամուր է, սակայն Պաղեստինի քաղաքացիական բնակչության պաշտպանությունը բարոյական պարտականություն է և ռազմավարական հրամայական»,- ասել է Օսթինը: Պարբերականը նշում է, որ Իսրայելի հասցեին Օսթինի հայտարարությունները նախորդ հայտարարությունների համեմատ ավելի մեղմ են: Երեկ Օսթինը ժամանել է Թել Ավիվ՝ Իսրայելի ղեկավարության հետ հանդիպման: |