+17 °C, +16 °C ... +28 °C Վաղը`+29 °C
Ճապոնիայի իշխանությունները զգալիորեն ավելացրել են ռազմական ծախսերը և չեղարկել մահաբեր զենքի արտահանման արգելքը։ Այս մասին հայտարարել է վարչապետ Ֆումիո Կիսիդան, փոխանցում է Fox News-ը։ Ճապոնիայի կառավարությունը որոշել է 16%-ով ավելացնել պաշտպանական ծախսերը և վերացնել զենքի արտահանման արգելքը, որը գործում էր Երկրորդ համաշխարհային պատերազմից հետո։ «Մենք հույս ունենք, որ կնպաստենք ազատ և բաց միջազգային կարգի պաշտպանությանը, որը հիմնված է օրենքի գերակայության վրա»,- ասել է Կիսիդան՝ հավելելով, որ Ճապոնիան հավատարիմ է մնում պացիֆիստական սկզբունքներին: Նախագծի հաստատումից անմիջապես հետո Ճապոնիան ԱՄՆ ուղարկեց Patriot կառավարվող հրթիռներ։ Նշվում է, որ հրթիռները նախկինում արտադրվել են Ճապոնիայում՝ ամերիկյան լիցենզիայով։ Դեկտեմբերի 20-ին հաղորդվել էր, որ Ջո Բայդենի ներկայիս վարչակազմը կարող է մեծացնել Ուկրաինային հակաօդային պաշտպանության համակարգերի մատակարարումների ծավալը, եթե Ճապոնիան ԱՄՆ-ին զինամթերք մատակարարի Patriot հակաօդային պաշտպանության համակարգի համար։ |
ՄԱՄՈՒԼ.ամ - Նորություններ Հայաստանից, Արցախից (Լեռնային Ղարաբաղ) և աշխարհից
Նյութերի հրապարակումն առանց խմբագրության գրավոր թույլտվության արգելվում է:
Կայքի նյութերի մասնակի/ամբողջական հեռուստառադիոընթերցումն առանց ՄԱՄՈՒԼ.ամ-ին հղման արգելվում է:
Գովազդների բովանդակության համար կայքը պատասխանատվություն չի կրում:
Հասցե` Հայաստանի Հանրապետություն, ք. Երևան, Չարենցի 1:
Հեռ.` +374 (10) 55-20-59
Էլ. փոստ` info@mamul.am
Հեռ.` +374 (91) 99-22-02
Էլ. փոստ` marketing@mamul.am