Սերբիայի նախագահ Ալեքսանդր Վուչիչը տվյալներ ունի, որ Բելգրադում բողոքի ակցիաներին Արևմուտքն է աջակցում: Այս մասին «Ռոսիա 24»-ի եթերում ասել է Սերբիայում ՌԴ դեսպան Ալեքսանդր Բոցան-Խարչենկոն: «Ընդդիմությունը սկսել է բողոքի ակցիաներ, որոնք խրախուսվում, աջակցվում են դրսից։ Այդ մասին խոսել է Վուչիչը: Չեմ կարող մանրամասնել, քանի որ դա վստահելի և անհերքելի տեղեկություն է»,- նշել է դեսպանը: Նրա խոսքով՝ Սերբիայում բողոքի ցույցերը կազմակերպվում և անցկացվում են «մայդանային հեղափոխությունների» սկզբունքներով և տեխնոլոգիաներով: |