ԵԱՏՄ երկրներն Իրանի հետ ազատ առևտրի մասին համաձայնագիր են ստորագրել, որը պետք է փոխարինի 2019 թվականից գործող ժամանակավոր համաձայնագրին:
Ստորագրման արարողությունը տեղի է ունեցել Սանկտ Պետերբուրգում՝ Եվրասիական տնտեսական բարձրագույն խորհրդի նիստի շրջանակներում: Համաձայնագիրը ստորագրել են ԵՏՀ կոլեգիայի նախագահ Միխայիլ Մյասնիկովիչը, ՌԴ փոխվարչապետ Ալեքսեյ Օվերչուկը և Իրանի արդյունաբերության, հանքերի և առևտրի նախարար Աբաս Ալիաբադին: Համաձայնագիրը ստորագրել են նաև Բելառուսի, Հայաստանի, Ղազախստանի և Ղրղզստանի ներկայացուցիչները: