Հավատարիմ ենք Ադրբեջանի հետ հարաբերությունների կարգավորմանը։ Այս մասին Բրյուսելում հայտարարել է ՀՀ վարչապետ Նիկոլ Փաշինյանը։ «Հավատարիմ ենք Ադրբեջանի հետ հարաբերությունների կարգավորմանը՝ հիմնված տարածքային ամբողջականության պահպանման վրա, համաձայն 1991թ․ Ալմա Աթայի հռչակագրի։ Հայաստանը հանձնառու է Ալմա Աթայի հռչակագրի հիման վրա իրականացնել սահմանազատում և տարածաշրջանային բոլոր հաղորդակցությունների ապաշրջափակում, որը հիմնված է երկրների ինքնիշխանության և իրավազորության, հավասարության և փոխադարձության սկզբունքների լիարժեք հարգման վրա»,- ասել է նա։ |