ԱՄՆ-ն ներդրումներ կկատարի Հայաստանի տնտեսական ոլորտում։ Այս մասին Բրյուսելում հայտարարել է ԱՄՆ պետքարտուղար Էնթոնի Բլինքենը։ «ԱՄՆ-ն նախատեսում է Հայաստանին տրամադրել ավելի քան 65 մլն դոլար, ինչը 50 տոկոսով ավելի է, քան երկու տարի առաջ։ Սա նախատեսված է տնտեսական դիմակայության, սննդի անվտանգության, թվային ենթակառուցվածքների, էներգետիկ ռեսուրսների դիվերսիֆիկացիայի համար։ Եվ, իհարկե, կշարունակենք աջակցել Ղարաբաղից տեղահանված էթնիկ հայերին։ Սա շատ կարևոր է Հայաստանի երկարաժամկետ կայունության և, իհարկե, նրանց ներգրավվածությունը երկրում և տնտեսությունում ավելացնելու համար»,- ասել է նա։ |