«Այս շաբաթվա բոլոր օրերն անցկացրեցինք քաղբանտարկյալների դատական նիստերին»,- այսօր, Նարեկ Մալյանի գործով դատական նիստից առաջ, լրագրողների հետ զրուցում ասել է ԱԺ «Պատիվ ունեմ» խմբակցության պատգամավոր Աննա Մկրտչյանը։ «Իշխանություններին դուր չի եկել Նարեկ Մալյանի քաղաքացիական դիրքորոշումը, դրա համար նա ամիսներ շարունակ բանտարկված է և հույս էլ չկա, որ արդարադատության դուռը կբացվի նրա առաջ։ Նիկոլ Փաշինյանը հիմա չի բավարարվում միայն քաղաքական կալանքներով և նախաքննության ընթացքում մարդկանց անազատության մեջ պահելով, Նիկոլի սիրտը հիմա մեղադրական դատավճիռներ է ուզում, որպեսզի հետո ասի, թե էդ ո՞ր մի «վնգստացողն» էր, որ իմ ասածը պետք է չաներ»,- ասել է Մկրտչյանը։