Սոցցանցերում տեսանյութ էր տարածվել, որտեղ երևում է՝ ինչպես է «Զվարթնոց» օդանավակայանի աշխատակիցը հրում ֆրանսահայ լրագրող Լեո Նիկոլյանին, որն արդեն տևական ժամանակ է՝ հացադուլի է դիմել։
«Էդ վիդեոն, որ տեսել եք, նկարել ա մի մարդ, որ հեռվից` կաֆեից ա նկարել։ Մեկ–մեկ որ ես արդեն գժվում եմ, էստեղ, էս վիճակով, 33 օր հացադուլի մեջ, մեկ–մեկ սխալներ եմ անում, նման բաներ ա լինում, բայց դա չեմ կարող անվանել իմ վրա հարձակում։ Աերոպորտի անվտանգության այդ նույն տղաները ինձ հա՛մ հարգում են, հա՛մ սիրում են, հա՛մ ինձ պաշտպանում են։ Բայց դա չի ամենակարևորը. ամենակարևորն էն ա, որ Հայասստանի իշխանությունը թողնում է, որ ես մեռնեմ էստեղ»,– «Սպուտիկ Արմենիա»-ին ասել է ֆրանսահայ լրագրողը։