+21 °C, +15 °C ... +28 °C Վաղը`+28 °C
Քաղաքական վերլուծաբան Վարդան Բալյանը ֆեյսբուքյան իր էջում գրում է. «Վաղը հարևան Իրանում նախագահական ընտրություններ են: Ամենայն հավանականությամբ Իսլամական հանրապետության նախագահը, սակայն, կընտրվի երկրորդ փուլով, որ տեղի կունենա հուլիսի 5-ին: Պատճառը պահպանողականների ճամբարը ներկայացնող երկու հիմնական թեկնածուների՝ իրանական խորհրդարանի խոսնակ Բաղեր Ղալիբաֆի և Ռահբարի թեկնածուի համարում ունեցող Սայիդ Ջալիլիի բավականին սուր մրցակցությունն է: Ինտրիգը կայանում է նրանում, որ պահպանողականների ճամբարում դիտարկվող անհամաձայնությունների ֆոնին բարեփոխական թեկնածու Մասուդ Փեզեշկյանը, ըստ էության, հաջողացրեց ստանալ բարեփոխականների առանցքային առաջնորդների աջակցությունը: Վերջինիս թեկնածությունը պաշտպանել են նախկին նախագահ Խաթամին, Ռոուհանիի կառավարության արտաքին գործերի նախարար Մոհամմադ Ջավադ Զարիֆը, իսկ երեկ հեռուսատաուղերձով ի աջակցություն Փեզեշքյանի հանդես եկավ Հասան Ռոուհանին: Ստեղծված իրավիճակում չի բացառվում, որ երկրորդ փուլ պահպանողական թեկնածուի հետ կարող է դուրս գալ հենց Փեզեշքյանը: Բոլոր դեպքերում այս նախագահական ընտրությունները խոստանում են շրջադարձային դառնալ ինչպես ներքաղաքական-իշխանական, այնպես էլ արտաքին քաղաքական վերադասավորումների տեսանկյունից: Ու կանխատեսվող զարգացումները պահպանողական կամ բարփոխական նախագահի ընտրության պարագաներում միանշանակ դառնալու են նաև Իրանի տարածաշրջանային և հայաստանյան քաղաքականության վերակառուցման մեկնակետ»։ |
ՄԱՄՈՒԼ.ամ - Նորություններ Հայաստանից, Արցախից (Լեռնային Ղարաբաղ) և աշխարհից
Նյութերի հրապարակումն առանց խմբագրության գրավոր թույլտվության արգելվում է:
Կայքի նյութերի մասնակի/ամբողջական հեռուստառադիոընթերցումն առանց ՄԱՄՈՒԼ.ամ-ին հղման արգելվում է:
Գովազդների բովանդակության համար կայքը պատասխանատվություն չի կրում:
Հասցե` Հայաստանի Հանրապետություն, ք. Երևան, Չարենցի 1:
Հեռ.` +374 (10) 55-20-59
Էլ. փոստ` info@mamul.am
Հեռ.` +374 (91) 99-22-02
Էլ. փոստ` marketing@mamul.am