Քենիայում առնվազն 30 մարդ է զոհվել հարկերի բարձրացման դեմ բողոքի ցույցերի ժամանակ, հայտնում է Human Rights Watch-ը։ Իրավապաշտպան կազմակերպությունը նշում է, որ հունիսի 25-ին անվտանգության ուժերը կրակել են ցուցարարների ամբոխի վրա։

Երկրով մեկ բողոքի ալիք հարուցած հարկային փոփոխությունների օգնությամբ կառավարությունը, ինչպես հայտարարում է, նպատակ ունի լրացուցիչ 2,7 միլիարդ դոլարի հարկեր հավաքել արտաքին պարտքի ծավալները կրճատելու համար։