Ինչպես հայնտի է այսօր` փետրվարի 16-ին, ուժի մեջ են մտնում ԵՄ անդամ երկրների` Ռուսաստանի հանդեպ կիրառված նոր պատժամիջոցները: Նոր պատժամիջոցներով նախատեսվում է 19 ֆիզիկական և 9 իրավական անձի զրկել դեպի ԵՄ անդամ երկրներ մուտքի վիզայից և կալանքի տակ առնել նրանց` այդ երկրներում պահվող ունեցվածքը: «Սև ցուցակում» հայտնված անձանց անունները հրապարակվել է ԵՄ պաշտոնական ամսագրում: «Սև ցուցակում» են հայտնվել ռուս երգիչ և Պետդումայի պատգամավոր Իոսիֆ Կոբզոնը, ՌԴ պաշտպանության նախարարի 2 տեղակալները` Անատոլի Անտոնովը և Արկադի Բախինը և այլ անձինք: Պատժամիջոցներ են կրառվել նաև Ուկրաինայի արևելքում բնակվող 14 ֆիզիական անձի և անջատականներին պատկանող 9 կազմակերպությունների նկատմամբ: |