+26 °C, +15 °C ... +27 °C Վաղը`+28 °C
Բրիտանական «Գարդիան» պարբերականն անդրադարձ է կատարել վերջին ժամանակշրջանում Ուկրաինայի դեպքերի ընթացքում Գերմանիայի կանցլեր Անգելա Մերկելի վարած քաղաքականությանը՝ նշելով, որ նա դարձել է Եվրոպայի անվիճելի առաջնորդը: «Անցած շաբաթ Անգելա Մերկելը ճանաչվեց աշխարհի ամենաազդեցիկ կինը: Մի քանի տարի առաջ Գերմանիայի կանցլերին այդպիսի կոչման էր արժանացրել նաև ամերիկյան «Time» պարբերականը: Ուկրաինայի դեպքերի ժամանակ Մերկելը կարողացավ ապացուցել իրեն վերագրված այդ կոչումները: Նա կարողացավ իր հետևից տանել Ֆրանսիայի նախագահ Ֆրանսուա Օլանդին: Թե՛ Մերկելը և թե՛ Օլանդը իրենց ողջ ջանքերը ներդրեցին՝ ուկրաինական խնդիրը դիվանագիտական միջոցներով կարգավորելու նպատակով: Դա, իհարկե, նրանց կողմից իմաստուն քայլ էր, մանավանդ, որ Օլանդին այդ ամենի մեջ ներառելու համար Մերկելից մեծ ջանքեր չպահանջվեցին: Այդ ընթացքում Մերկելը շատ մեծ աշխատանք կատարեց՝ դառնալով Եվրոպայի անվիճելի առաջնորդը: Սակայն նա այդ ամենի համար պետք է երախտապարտ լինի նաև իրեն աջակցողներին և հատկապես ԱՄՆ նախագահ Բարաք Օբամային, ով հասկացրեց աշխարհին, որ այլևս չի ցանկանում Միացյալ Նահանգները ներքաշել պատերազմի մեջ: Բացի այդ՝ մինչ Ուկրաինայում հրադադարի հաստատվելը, Մերկելը հեռախոսազրույցների ժամանակ դարձել էր Պուտինի «ամենավստահելի» զրուցակիցներից մեկն՝ իր առանցքային դերակատարությունն ունենալով հակամարտության կարգավորման բոլոր փորձերի ժամանակ»,- նշում է պարբերականը: |
ՄԱՄՈՒԼ.ամ - Նորություններ Հայաստանից, Արցախից (Լեռնային Ղարաբաղ) և աշխարհից
Նյութերի հրապարակումն առանց խմբագրության գրավոր թույլտվության արգելվում է:
Կայքի նյութերի մասնակի/ամբողջական հեռուստառադիոընթերցումն առանց ՄԱՄՈՒԼ.ամ-ին հղման արգելվում է:
Գովազդների բովանդակության համար կայքը պատասխանատվություն չի կրում:
Հասցե` Հայաստանի Հանրապետություն, ք. Երևան, Չարենցի 1:
Հեռ.` +374 (10) 55-20-59
Էլ. փոստ` info@mamul.am
Հեռ.` +374 (91) 99-22-02
Էլ. փոստ` marketing@mamul.am