«Հետգրություն» հաղորդաշարի հյուրն այսօր Պաշտպանության նախարարի մամուլի քարտուղար Արծրուն Հովհաննիսյանն է: Խոսելով հրադադարի ռեժիմի խախտման դեպքերի ու հակառակորդի կիրառած տարբեր տրամաչափի հրաձգային զինատեսակների մասին` Ա. Հովհաննիսյանն ասել է. «Էս տարի իրանք հրետանու 120 մմ-ն անցել են, ինչը համարվում է հակամարտության նոր մակարդակ, մինչ այդ անգամ 82 մմ ականանետ չէր կիրառվում, իսկ հիմա ականանետը հասարակ բան է դարձել»: Անդրադառնալով օգտատերերից մեկի հարցին, թե պատգամավորներից կամ նախարարներից ո՞ր մեկի տղան է ծառայում բանակում, պատասխանեց. «Մենք երբեք չենք ֆիքսում, թե ով ում տղան է, ես ճանաչում եմ մի կին պատգամավորի տղայի, որը ծառայում է բանակում, բայց դա փոքր ինֆորմացիա է: Ինչ վերաբերում է Պաշտպանության նախարարի տեղակալներին, ապա նրանց տղաները ծառայել ու ծառայում են առաջնագծում»: |