Եվրոմիության արտաքին հարցերով հանձնակատար Ֆեդերիկա Մոգերինին հայտարարել է, որ Եվրոպան հետաքրքրված չէ մեկուսացված և թուլացած Ռուսաստանով: Ինչպես հաղորդում է «ՌԻԱ Նովոստի»-ն, այս մասին Մոգերինին հայտնել է Հռոմում՝ արտասահմանյան մամուլի ասոցացիայում ունեցած ելույթի ժամանակ, որտեղ նրան նաև մրցանակ է հանձնվել՝ միջազգային քաղաքականության մեջ Իտալիայի վարկանիշը բարձրացնելու համար: Մոգերինիի խսքերով՝ Ռուսաստանն իրենց արդեն շատ է աջակցել տարբեր խնդիրների լուծման գործում: «Այսօր Եվրոպայում արդեն ոչ ոք չի մտածում, որ կարևորագույն խնդիրների լուծման հարցում մենք միայնակ գլուխ կհանենք»,- հայտնել է Մոգերինին՝ հավելելով, որ հենց այդ պատճառով էլ Եվրոպային թուլացած Ռուսաստան պետք չէ: |