«Ձեր պաշտոնավարման օրոք ԱԺ մի շարք ծախսերի տեսանելիությունն ավելացել է, բայց 1 մլն աղքատություն կա երկրում, իսկ վարչական շենքերի ֆասադների վերանորոգումը, մեքենաների ձեռքբերումը երկրորդական են: Դուք ԱԺ աշխատակազմում աշխատողներ ունեք, որոնք այսօր անգամ տարրական սեղան չունեն, բայց մեքենաներ են թարմացվում, ֆասադներ են վերանորոգվում»,- 2014-ի բյուջեի կատարողականի քննարկման ժամանակ դիմելով ԱԺ աշխատակազմի ղեկավար Հրայր Թովմասյանին` ասաց պատգամավոր Տիգրան Ուրիխանյանը: «Մի աշխատող աստիճաններով բարձրանալիս` մի օր կարող էր ընկնել ու ոտքը կոտրել, քանի որ քարերի 60%-ը դուրս էին եկել: Իսկ ֆասադներ չեն վերանորոգվել: Ինչ վերաբերում է աշխատակազմին, ապա այս տարվա բյուջով ունենք համապատասխան միջոցներ, որոնք բավարար կլինեն աշխատասենյակները նորմալ պայմաններով ապահովելու համար»,- ասաց Թովմասյանը: |