ՌԴ քննչական մարմիններն ավարտել են 2013թ. հուլիսին Բոյկոնուրից մեկնարկած «Պրոտոն M» հրթիռակրի կործանման գործի քննությունը: Քննիչները եկել են այն եզրահանգման, որ հրթիռակրի կործանման պատճառն անկյունային արագացուցիչների հաղորդիչների սխալ տեղադրվածությունն է եղել: Այն 180 աստիճանով շրջված է տեղադրվել, այսինքն՝ գլխիվայր: Հիշեցնենք, որ «Պրոտոն M» հրթիռը պայթել է օդում, թռիչքի առաջին իսկ րոպեի ընթացքում: Ինչպես հաղորդել է ՌԴ քննչական կոմիտեի պաշտոնական ներկայացուցիչ Վլադիմիր Մարկինը, կատարվածի համար պատասխանատու է 4 աշխատակից: Նրանց 3 տարվա ազատազրկում է սպասվում կամ էլ համապատասխան տուգանքի վճարում: |