Եվրահանձնաժոովը հայտարարել է, որ պատրաստ է տեխնիկական օգնություն տրամադրել Հունաստանին: Ինչպես հաղորդում է «Die Welt»-ը, Եվրահանձնաժողովի փոխնախագահ Վալդիս Դոմբրովսկիսը հայտարարել է, որ իրենք Հունաստանին պատրաստ են աջակցել, եթե հուլիսի 5-ին կայանալիք հանրաքվեից հետո Հունաստանը համաձայնի նստել բանակցությունների սեղանի շուրջ և քննարկել պարտքի մարման գործընթացները:

«Եվրահանձնաժողովը միշտ էլ շեշտել է՝ բանակցությունների պահով Հունաստանի համար դռները միշտ էլ բաց են մնալու: Սակայն ինչ-որ արդյունքի հասնելու համար երկու կողմերն էլ պետք է կառուցողական դրսևորում ցուցաբերեն»,- հայտարարել է Դոմբրովսկիսը

Դոմբրովսկիսը նշել է նաև, որ այդ ամենի համար անհրաժեշտ է նախևառաջ «Հունաստանի կառավարության՝ վստահություն ներշնչող ռազմավարությունը»: