ՖԻՖԱ-ի նախագահ Զեփ Բլատերը հայտարարել է, որ Ֆրանսիայի նախկին նախագահ Նիկոլա Սարկոզին և Գերմանիայի նախագահ Քրիսթիան Վուլֆը ճնշում են գործադրել ՖԻՖԱ-ի վրա։ Այս մասին պաշտոնյան հայտարարել է «Welt am Sonntag»-ին տված հարցազրույցում։ Իր խոսքով՝ նախագահները «քաղաքական ճնշում» են գործադրել աշխարհի 2018 և 2022 թվականների աշխարհի առաջնություններն ընդունող երկրների ընտրության նախօրեին։ «Պարոնայք Սարկոզին և Վուլֆը փորձել են ազդել իրենց ներկայացուցիչների վրա՝ ընտրությունների ընթացքում։ Ահա ինչու հիմա մենք ունենք Քաթարի աշխարհի առաջնություն»,- հայտարարել է Բլատերը՝ մատնանշելով, որ Գերմանիայի ֆուտբոլի ֆեդերացիան, Վուլֆի խորհրդով, «քվեարկել է Քաթարի օգտին՝ տնտեսական հետաքրքրությունից ելնելով»։ ՖԻՖԱ-ի նախագահն ավելացրել է նաև, որ համոզված է իր արարքների և դիրքորոշման մեջ․ «Յուրաքանչյուր մարդ ինչ-որ բանից վախենում է, բայց ՖԻՖԱ-ում աշխատանքիս հետ կապված ես ոչնչից չեմ վախենում»,- ասել է Բլատերը։