Հյուսիսատլանտյան դաշինքի անդամ բոլոր 28 պետությունները արտահերթ հանդիպում են ունենալու թուրք-սիրիական սահմանի վրա տիրող իրավիճակի հարցը քննարկելու նպատակով: Ինչպես հաղորդում է «ԲիԲիՍի»-ն, Բրյուսելում կայանալիք հանդիպումը, որը նախաձեռնվել է Թուրքիայի կողմից, քննարկելու է վերջինի գործողությունները Սիրիայում և Իրաքում գտնվող ԻՊ զինյալների և քուրդ անջատականների դիրքերի ուղղությամբ: Հանդիպման ընթացքում քննարկվելու է նաև ԱՄՆ-ի և Թուրքիայի համատեղ առաջարկը` թուրք-սիրիական սահմանին բուֆերային գոտի ստեղծելու վերաբերյալ, որը զերծ կպահի սահմանը ԻՊ զինյալներից: Հաղորդվում է նաև, որ սա ՆԱՏՕ-ի ողջ պատմության ընթացքում 5-րդ նմանատիպ դեպքն է, երբ դաշինքի անդամ որևէ պետություն արտահերթ հանդիպում է հրավիրել: |