2008-ից սկսած՝ ՀՀ կառավարության որոշմամբ սեպտեմբերի 4-ը նշվում է որպես արտակարգ իրավիճակների աշխատողի օր։ 2014-2015-ի ձեռքբերումներն ամփոփել է ՀՀ ՏԿԱԻՆ-ը. Նոր կազմավորումներ փրկարար ծառայությունում ՀՀ Կոտայքի մարզում ստեղծվել է Հայ-ռուսական հումանիտար համատեղ արձագանքման կենտրոն, որի նպատակն է Կովկասի տարածաշրջանում արտակարգ իրավիճակների դեպքում աջակցություն ցուցաբերել արձագանքման աշխատանքներին: Կենտրոնի խնդիրներն են` արտակարգ իրավիճակների կանխարգելում և հետևանքների վերացում, մարդասիրական օգնության առաքում, ականազերծում և այլն: 2014թ. ՓԾ հատուկ նշանակության փրկարարական աշխատանքների իրականացման կենտրոնում ստեղծվել է մոտոցիկլետային 2 փրկարարական խումբ: 2015 թ. ՔՊ վարչության կազմում ստեղծվել է Քաղաքացիական պաշտպանության ուժերի հավաքական կենտրոն: Բոլոր մարզերում ստեղծվել են ճգնաժամային կառավարման կենտրոններ Կարողությունների ապակենտրոնացման ծրագրի շրջանակում ՀՀ բոլոր մարզերում ստեղծվել են մարզային ճգնաժամային կառավարման կենտրոններ, վերանորոգվել ու բարեկարգվել են վարչական և հրշեջ-փրկարարական ջոկատների մասնաշենքերը, համայնքներում ստեղծվել և գործում են հասարակական փրկարարական կազմավորումներ, թարմացվել է նյութատեխնիկական բազան: Զարգանում են փրկարարների կամավորական ու պատանեկան շարժումները Փրկարարական մարզային ստորաբաժանումները հագեցվել են փրկարարական գույքով և սարքավորումներով, ստեղծվել են հրշեջ-փրկարարական հենակետեր: ՀՀ մարզերում և Երևանում ստեղծվել է 5374 պատանիներից ու աղջիկներից կազմված պատանի հրշեջ-փրկարարական 551 թիմ, կազմակերպվել են հանրապետական առաջնություններ, որոնց ժամանակ լավագույն արդյունք ցուցադրած պատանի հրշեջ-փրկարարները մասնակցել են միջազգային մրցաշարերի: Ձեռք են բերվել նորագույն սեյսմոլոգիական սարքավորումներ Արագածոտնի մարզի «Արուճ» դիտակետում տեղադրվել է GPS հենակետային կայան, որը նույնպես միակն է Հարավային Կովկասում և ընդգրկված է համաշխարհային գեոդեզիական համակարգի մեջ: Գործարկվել է տեխանվտանգության եզակի լաբորատորիա Տեխնիկական անվտանգության ազգային կենտրոնը Երևանում կառուցել է տարածաշրջանում իր հնարավորություններով եզակի տեխնիկական անվտանգության փորձարկման լաբորատորիա: Մեծացել է կանխատեսումների ճշգրտությունը Հիդրոմետ ծառայությունում բարելավվել է հիդրոօդերևութաբանական կանխատեսումների ճշգրտությունը և արդարացվածության աստիճանը: 2013 թ. նոյեմբերից Ռուսհիդրոմետի օժանդակությամբ Հիդրոմետ ծառայությունում ներդրվել է «Реки-режим» ծրագրային փաթեթը, որը հնարավորություն է տալիս հավաքագրել հիդրոլոգիական տվյալներ և կազմել հիդրոլոգիական տարեգրքեր: Հակակարկտային կայանների կառավարման միասնական համակարգ |