Ամերիկյան «Boing» ընկերությունը ներկայացրել է աշխարհում ամենամեծ ուղևորատար ինքնաթիռը: Ինչպես գրում է «Դեյլի Մեյլ»-ն, ինքնաթիռը թևերը բացված վիճակում այնքան մեծ տարածք է զբաղեցնում, որ վայրէջք կատարելու և օդանավակայանի տարածքում տեղավորվելու համար ստիպված է ծալել թևերը:

Աղբյուրը նշում է, որ 400 միլիոն դոլար արժողությամբ ինքնաթիռն ստացել է 777-9X անվանումը։ Դրանց արտադրությունն սկսվելու է 2017թ.: Ընկերությունն արդեն ստացել է ինքնաթիռի նախնական՝ 320 պատվեր:

Հաղորդվում է, որ ինքնաթիռն ունի թևերի 72 մետր բացվածք: Այն տեղավորում է առնվազն 400 ուղևոր: