Աշխարհի ամենագեղեցիկ նժույգը համարվում է Ֆրիդիխ Մեծ անունը կրող հովատակը: Նրան այդպես են անվանակոչել ի պատիվ Պրուսիայի թագավորի: Այս հովատակը պատկանում է ֆրիսլանդական ցեղատեսակին, որ մի քանի դար առաջ բուծվել է Ֆրիսլանդիայում` Նիդեռլանդների հյուսիսծովյան ափերին: Իր գոյության ընթացքում այն 2 անգամ հայտնվել է ոչնչացման սպառնալիքի տակ: Միայն նիդեռլանդացի անասնաբույծների շնորհիվ այն փրկվել է: Եվ եթե նախկինում այս ձիերը ռազմական նշանակություն են ունեցել, ապա այժմ դրանք ավելի շատ դեկորատիվ դեր ունեն:

Ֆրիդիրխ Մեծը պատկանում է Pinnacle Friesians ամերիկյան ընկերությանը: Այս ձին ունի իր ֆեյսբուքյան էջն` ավելի քան 15 հազար հետևորդով, ունի սեփական բլոգը, որում հրապարակվում են նրա լուսանկարներն ու նրա կյանքի մասին նյութեր: Այս հովատակի գեղեցկությամբ հրապուրված մարդիկ անգամ առանձին կայք են բացել նրա անունով, որտեղ կարելի է ներբեռնել նկարներ ու Ֆրիդրիխին նվիրված գեղարվեստական ստեղծագործություններ: