Օրերս` Նկարիչների միությունում բացված ցուցահանդեսին ներկայացված են ինչպես վաստակաշատ, այնպես էլ երիտասարդ և սկսնակ նկարիչների աշխատանքներ: Ավանդական դարձած ցուցահանդեսին ներկայացված են թատրոնի, կինոյի և հեռուստատեսության նկարիչների հին ու նոր աշխատանքները: Այս տարի ցուցահանդեսի ամենատարեց մասնակիցը գեղանկարիչ Ստեփան Անդրանիկյանն է, ով ներկայացրել է 40-50 տարի առաջ արած կինոէսքիզներն ու դիմանկարներ: «Վերջին տարիներին կինոյում չեմ աշխատում, զբաղվում եմ գեղանկարչությամբ: Ցուցահանդեսին ներկայացրել եմ Անահիտ Թոփչյանի և Մայա Պլիսեցկայայի դիմանկարները»: Գեղանկարիչը վստահ է, որ այս բնագավառը վստահելի ձեռքերում է: Նա բարձր է գնահատում երիտասարդ նկարիչների նորարարության փորձերն ու ձգտումները: |