Նման կարծիքի են հանգել Բրիստոլի համալսարանի գիտնականները` նշելով, որ չիպսերը վատ են անդրադառնում սրտանոթային համակարգի վրա, հանգեցնում են աննորմալ քաշի, առաջացնում են ալերգիա: Պարզվել է, որ այն երեխաները, որոնց տվել են չիպսեր 3-4 տարեկան հասակում, ավելի շատ են տառապում հոգեկան զարգացման խնդիրներով: Գիտնականները հայտնաբերել են մի կարևոր փաստ, ըստ որի խախտվում է չիպս ուտող երեխաների ուղեղի աշխատանքը, արդյունքում վատանում է հիշողությունը, առաջանում են մտավոր դժվարություններ` կապված նաև ուշադրության կենտրոնացման հետ: Երեխաները ձեռք են բերում նաև ուսուցման և վարքագծային խնդիրներ: