«Երևանի Մխիթար Հերացու անվան պետական բժշկական համալսարան» հիմնադրամի (ԵՊԲՀ) հոգաբարձուների խորհուրդը ԵՊԲՀ ռեկտորի պաշտոնի համար բաց մրցույթ է հայտարարել: Մրցույթին մասնակցելու համար դիմումը և կից փաստաթղթերը հավակնորդը պետք է ներկայացնի 2016 թվականի նոյեմբերի 12-ից մինչև 2016 թվականի դեկտեմբերի12-ը ընկած ժամանակահատվածում: Մրցույթը տեղի կունենա 2016 թվականի դեկտեմբերի 24-ին` փակ, գաղտնի քվեարկությամբ: Ավելի վաղ տեղեկացրել էինք, որ առողջապահության նախկին նախարար Արմեն Մուրադյանն ընտրվել է Երևանի Մխիթար Հերացու անվան պետական բժշկական համալսարանի ռեկտորի ժամանակավոր պաշտոնակատար: |