«Օհանյան-Րաֆֆի-Օսկանյան» դաշինքի ստեղծման մասին հուշագրի ստորագրումից հետո լրագրողների հետ ճեպազրույցում, ի պատասխան լրագրողների հարցին Սեյրան Օհանյանն ասել է, որ մարդիկ կարող են իրեն տեսնել նաև Ազատության հրապարակում հանրահավաք անելիս. «Կարծում եմ` դա նախընտրական փուլի միջոցառումների մեջ է. անկասկած լինելու եմ յուրաքանչյուր մեր կուսակցականի, քաղաքացու կողքին»:
Մյուս հարցին՝ եթե դաշինքը գա իշխանության, մարտի 1-ը բացահայտելու հարցը կլինի՞ օրակարգում, պատասխանել է. «Մենք գործելու ենք օրենքի շրջանակում: Եթե կան թերություններ ու նախկինում չբացահայտված հարցեր, կօգտագործենք մեր ներուժը` դրանք բացահայտելու համար... ոչ միայն մարտի 1-ը»: