USD 402.56, EUR 440.64, RUB 4.58, GBP 505.01
+15 °C, +14 °C ... +19 °C Վաղը`+20 °C
+15 °C, +14 °C ... +19 °C Վաղը`+20 °C
Էջմիածինը լույս է ընծայել Երվանդ Տեր-Մինասյանի «Հայոց Եկեղեցին» և «Քրիստոսի հրաշքների և բժշկությունների հայ միջնադարյան մեկնությունները» աշխատությունները
23:38, 10.04.2014
2259 | 0
Ն.Ս.Օ.Տ.Տ. Գարեգին Բ Ծայրագույն Պատրիարք և Ամենայն Հայոց Կաթողիկոսի օրհնությամբ Մայր Աթոռ Սուրբ Էջմիածնի Հրատարակչական բաժինը լույս է ընծայել Երվանդ Տեր-Մինասյանի «Հայոց Եկեղեցին» և «Քրիստոսի հրաշքների և բժշկությունների հայ միջնադարյան մեկնությունները» աշխատությունները: Նշանավոր հայագետ, աստվածաբանության լիցենցիատ, փիլիսոփական և բանասիրական գիտությունների դոկտոր, պրոֆեսոր, գիտության վաստակավոր գործիչ Երվանդ Տեր-Մինասյանի «Հայոց Եկեղեցին» ուսումնաօժանդակ ձեռնարկը գիտատեսական և եկեղեցաբանական մոտեցումների ներդաշնակ զուգորդությամբ ներկայացնում է Առաքելական շրջանից մինչև 1970-ականներն ընկած ժամանակաշրջանի Հայ Եկեղեցու պատմությունը: Գիրքը, որը հրատարակության է պատրաստել Մայր Աթոռ Սուրբ Էջմիածնի հոգևոր-կրթական հաստատությունների վերատեսուչ, Գևորգյան Հոգևոր ճեմարանի տեսուչ Տ. Գևորգ եպիսկոպոս Սարոյանը, իբրև լրացուցիչ ուսումնական ձեռնարկ` հասցեագրվում է ուսանողությանը և Հայ Եկեղեցու պատմությամբ հետաքրքրվող ընթերցող լայն հանրությանը: Երվանդ Տեր-Մինասյանի «Հայոց Եկեղեցին» աշխատությունը, որը լույս է տեսել «Սարգիս Գաբրիելյան» հիմնադրամի մեկենասությամբ, նվիրվում է Գևորգյան Հոգևոր ճեմարանի հիմնադրման 140-ամյակին: Մյուս` «Քրիստոսի հրաշքների և բժշկությունների հայ միջնադարյան մեկնությունները» աշխատությունը կազմված է ըստ ձեռագիր և տպագիր աղբյուրների: Ծաղկաքաղ այս բնագրում բժշկությունների կամ հրաշքների մեկնությունները տրված են ըստ Ավետարանների հերթագայության, ապա մեկնիչների ժամանակագրական կարգով: Տերունական հրաշքների մեկնության ներկայացվող բնագիրը հնարավորություն է տալիս մեկնողական գրական ավանդույթի մեջ ավելի տեսանելի դարձնել ավանդականն ու փոխանցվողը, յուրաքանչյուր հեղինակի անհատական-ինքնուրույն շերտերի դրսևորումները: Աշխատությունը, որը կազմել է Նաիրա Թամամյանը` խմբագրությամբ Գևորգ Տեր-Վարդանյանի, նախատեսված է հոգևոր կրթական հաստատությունների, Աստվածաբանության ֆակուլտետի ուսանողների և ընթերցողների լայն շրջանակների համար: Գիրքը հրատարակվել է Մայր Աթոռի բարերար տիար Գաբրիել Չեմպերճյանի մեկենասությամբ: |
Մամուլի խոսնակ` †ՀԱՎԱՏԱՄՔ† ԿԵՆՏՐՈՆ
Նյութը հրապարակվել է Մամուլի խոսնակի շրջանակներում:
Կիսվի՛ր այս նյութով՝
†ՀԱՎԱՏԱՄՔ† ԿԵՆՏՐՈՆ
18:52, 25.07.2014
5305 | 0
17:57, 25.07.2014
4221 | 0
Մամուլի խոսնակում հրապարակված բոլոր նյութերը ենթակա են ազատ հրապարակման և կարգավորվում են գրանցման պայմանագրով:
Այլ կայքերից նյութերի արտատպումը թույլատրվում է միայն այն դեպքում, եթե չի հակասում աղբյուրի օգտագործման պայմաններին:
Գովազդների բովանդակության համար կայքը պատասխանատվություն չի կրում: