USD 402.56, EUR 440.64, RUB 4.58, GBP 505.01
+16 °C, +13 °C ... +22 °C Վաղը`+21 °C
+16 °C, +13 °C ... +22 °C Վաղը`+21 °C
Առաքելական Եկեղեցու ներկայացուցիչները ներկա կգտնվեն Հռոմի Հովհաննես ԻԳ եւ Հովհաննես Պողոս Բ պապերի սրբադասման արարողությանը
18:52, 25.04.2014
2328 | 0
Ապրիլի 27-ին Հռոմի Սուրբ Պետրոսի տաճարում Հռոմի Ֆրանցիսկոս Պապի նախագահությամբ տեղի է ունենալու Հռոմի Կաթոլիկ Եկեղեցու Հովհաննես ԻԳ և Հովհաննես Պողոս Բ պապերի սրբադասման արարողությունը: Ն.Ս.Օ.Տ.Տ. Գարեգին Բ Ծայրագույն Պատրիարք և Ամենայն Հայոց Կաթողիկոսի օրհնությամբ, որպես Քույր Եկեղեցու ներկայացուցիչներ, արարողությանը ներկա կգտնվեն Մայր Աթոռ Սուրբ Էջմիածնի միաբաններ` Եգիպտոսի հայոց թեմի առաջնորդ Գերաշնորհ Տ. Աշոտ եպիսկոպոս Մնացականյանը և Մեծ Բրիտանիայի հայոց թեմի առաջնորդ Գերաշնորհ Տ. Վահան եպիսկոպոս Հովհաննիսյանը: Հովհաննես Պողոս Բ պապը Հռոմի Կաթոլիկ Եկեղեցու առաջին քահանայապետն էր, որ 2001 թ. Քրիստոնեությունը Հայաստանում պետական կրոն հռչակման 1700-ամյա հոբելյանի տոնակատարությունների առիթով Գարեգին Բ Ամենայն Հայոց Կաթողիկոսի հրավերով եղբայրական այցով եղավ Հայաստանում: Հովհաննես Պողոս Բ պապը 2000 թ. Վատիկանում և 2001 թ. Սուրբ Էջմիածնում Գարեգին Բ Ամենայն Հայոց հայրապետի հետ համատեղ կատարած հայտարարություններով պաշտոնապես ճանաչել և դատապարտել է Հայոց Ցեղասպանությունը: |
Մամուլի խոսնակ` †ՀԱՎԱՏԱՄՔ† ԿԵՆՏՐՈՆ
Նյութը հրապարակվել է Մամուլի խոսնակի շրջանակներում:
Կիսվի՛ր այս նյութով՝
†ՀԱՎԱՏԱՄՔ† ԿԵՆՏՐՈՆ
18:52, 25.07.2014
5331 | 0
17:57, 25.07.2014
4242 | 0
Մամուլի խոսնակում հրապարակված բոլոր նյութերը ենթակա են ազատ հրապարակման և կարգավորվում են գրանցման պայմանագրով:
Այլ կայքերից նյութերի արտատպումը թույլատրվում է միայն այն դեպքում, եթե չի հակասում աղբյուրի օգտագործման պայմաններին:
Գովազդների բովանդակության համար կայքը պատասխանատվություն չի կրում: