USD 402.56, EUR 440.64, RUB 4.58, GBP 505.01
+15 °C, +11 °C ... +22 °C Վաղը`+21 °C
+15 °C, +11 °C ... +22 °C Վաղը`+21 °C
ԱՄՆ կոնգրեսականներն այցելեցին նաև Մայր Աթոռի Էկումենիկ կենտրոն
19:05, 25.04.2014
1944 | 0
Ապրիլի 24-ին` Մայր Աթոռ Սուրբ Էջմիածնի այցի շրջանակներում, Ն.Ս.Օ.Տ.Տ. Գարեգին Բ Ծայրագույն Պատրիարք և Ամենայն Հայոց Կաթողիկոսի հետ հանդիպումից հետո ԱՄՆ Ներկայացուցիչների պալատի արտաքին հարաբերությունների հանձնաժողովի նախագահ Էդ Ռոյսի գլխավորած ԱՄՆ կոնգրեսականների պատվիրակությունը` ուղեկցությամբ ՀՀ-ում ԱՄՆ արտակարգ և լիազոր դեսպան Ջոն Հեֆերնի, ինչպես նաև Ամերիկայի Հայ Ազգային Կոմիտեի նախագահ Քեն Խաչիկյանի, անդամներ Րաֆֆի Համբարյանի, Նոռա Հովսեփյանի, Ստիվ Հովսեփյանի, Րաֆֆի Գարագաշյանի այցելեց Մայր Աթոռ Սուրբ Էջմիածնի նորակառույց Էկումենիկ կենտրոն: Այցի ընթացքում հյուրերը ծանոթացան Հայաստանյան Կլոր Սեղան միջեկեղեցական բարեգործական հիմնադրամի կողմից կազմակերպված «Սուրբ Էջմիածինը և Հայոց Ցեղասպանությունը» թեմայով շարժական ցուցահանդեսին, ապա մասնակցեցին Թուրքիայի Հանրապետությունում կրոնական կազմակերպությունների և Եկեղեցիների վիճակին նվիրված քննարկմանը: Զրույցի ընթացքում Մայր Աթոռի Միջեկեղեցական հարաբերությունների բաժնի տնօրեն Գերաշնորհ Տ. Հովակիմ եպիսկոպոս Մանուկյանն անդրադարձավ Հայ Եկեղեցու էկումենիկ կապերին, ինչպես նաև ներկայացրեց Թուրքիայի և Հյուսիսային Կիպրոսի տարածքում կրոնական հաստատությունների` մասնավորապես Հայ, Հույն, Ասորի Եկեղեցիների իրավունքների պաշտպանության բնագավառում Եկեղեցիների կողմից ձեռնարկված քայլերը: Հովակիմ Սրբազանը մասնավոր անդրադարձ կատարեց նաև պատմական Արևմտյան Հայաստանի տարածքում մի շարք եկեղեցիների պատմությանն ու ներկա վիճակին` ԱՄՆ կոնգրեսականներին վերստին փոխանցելով Վեհափառ Հայրապետի գնահատանքը` Թուրքիայի տարածքում եկեղեցական կալվածքներն իրավատերերին վերադարձնելու նպատակով օրենսդրական նախաձեռնության համար: Հանդիպումից հետո հյուրերը շրջեցին Մայր Աթոռի թանգարաններում և եղան Մայր Տաճարում: |
Մամուլի խոսնակ` †ՀԱՎԱՏԱՄՔ† ԿԵՆՏՐՈՆ
Նյութը հրապարակվել է Մամուլի խոսնակի շրջանակներում:
Կիսվի՛ր այս նյութով՝
†ՀԱՎԱՏԱՄՔ† ԿԵՆՏՐՈՆ
18:52, 25.07.2014
5332 | 0
17:57, 25.07.2014
4242 | 0
Մամուլի խոսնակում հրապարակված բոլոր նյութերը ենթակա են ազատ հրապարակման և կարգավորվում են գրանցման պայմանագրով:
Այլ կայքերից նյութերի արտատպումը թույլատրվում է միայն այն դեպքում, եթե չի հակասում աղբյուրի օգտագործման պայմաններին:
Գովազդների բովանդակության համար կայքը պատասխանատվություն չի կրում: