Նախ պետք է հավատք ունենալ: Մկրտվողը պետք է ծանոթ լինի Քրիստոնեությանը և եկեղեցու ավանդույթներին: Այդ դեպքում կարող է հարց առաջանալ` ինչու՞ է կատարվում մանուկների մկրտությունը, որոնք դեռևս ոչինչ չգիտեն: Այն պարզ պատճառով, որ քրիստոնյա ծնողները ցանկանում են մկրտությամբ իրենց զավակներին մաքրել ադամական մեղքից և դաստիարակել եկեղեցու ավանդույթներով: Նրանք վստահ են, որ իրենց երեխան կլինի բարի, առաքինի, Աստծուն և իր ազգային եկեղեցուն հավատարիմ, իր ազգին պիտանի: Մկրտվող երեխան պետք է ունենա իր կնքահայրը, որը պարտադիր պետք է լինի մկրտված: Ծնողների հետ կնքահայրը պիտի զբաղվի իր սանիկի Քրիստոնեական և ազգային դաստիարակությամբ: |