Հայ Առաքելական եկեղեցու տոնացույցով սահմանված են նաև եկեղեցուն նվիրված տոներ: Դրանցից երկուսը վերաբերում են Սուրբ Էջմիածնի Մայր տաճարին: Առաջին տոնը նվիրված է Հայաստանում քրիստոնեության հաստատմանը և Գրիգոր Լուսավորչի տեսիլքին: Այն կոչվում է Կաթողիկե Սուրբ Էջմիածնի տոն: Երկրորդը նվիրված է Մայր տաճարի նավակատիքի հիշատակին և կոչվում է Շողակաթի տոն: Կաթողիկե Սուրբ Էջմիածնի տոնն իր մեջ մեծ իմաստ է պարունակում: Կաթողիկե Սուրբ Էջմիածինը Ամենայն Հայոց կաթողիկոսների նստավայրն է, մեր եկեղեցու Մայր Աթոռը: Նա սրբավայր է և ուխտատեղի բոլոր հայերի համար: Սուրբ Էջմիածինը միավորում է աշխարհասփյուռ հայությանը, նրա համար հանդիսանում հավատի ոգեշնչման մշտական աղբյուր: Կաթողիկե Սուրբ Էջմիածնի տոնը Հայ Առաքելական եկեղեցին նշում է Զատկից մոտ երկու ամիս անց: ԱՅՍ ՏԱՐԻ ԿԱԹՈՂԻԿԵ ՍՈՒՐԲ ԷՋՄԻԱԾՆԻ ՏՈՆԸ ԿՆՇՎԻ ՀՈՒՆԻՍԻ 22-ԻՆ |