Հենց այսպես ասացին Աբովյանի թիվ 6 ավագ դպրոցի մի խումբ աշակերտներ և, հերոսական տրամադրությամբ, հունվարի 28-ին դպրոցի բակում կազմակերպված հանդիսավոր տողանից հետո՝ դասղեկ Անի Պետրոսյանի ուղեկցությամբ այցելեցին Եռաբլուր՝ հոգում ամբարած ըմբոստ ճիչեր, որ կաղաղակեն ու կհիշեցնեն, որ անմահ են հայոց փառապանծ բանակի արիասիրտ զինվորները: Այցելեցին Մոնթեի, Անդրանիկի, Վազգեն Սարգսյանի շիրիմներին: Հանդիսավոր երդման, նաև խրոխտ երգի հնչյունները անտարբեր չթողեցին Եռաբլուր եկած մեր հայրենակիցներին, ովքեր միացան մեր աշակերտների բույլին ու հավատացին, որ ապագան խոստումնալից է: Այնուհետև այցելեցին հայոց բանակի հրաշունչ զինվոր-հերոս Արմեն Հովհաննիսյանի տուն, եղան նրա անունը հավերժացնող Փառքի անկյունում, լսեցին հերոս լույս աշխարհ բերող մոր քաղցրանուշ ձայնը (հարցազրույցը վարել է 11-րդ դասարանի աշակերտ Էյվազի Սոնան): Այդ գողտրիկ անկյունում իրենց տեղը գտան մեր դպրոցի անցած ուղին լուսաբանող «Դպրոցը» գիրքը և ամսագիրը՝ «Հայացք» -ը: Ամենը լուսաբանվեց «Կենտրոն» և «Արմ Նյուզ» , «Ա1+» հեռուստաընկերությունների կողմից: Հայոց լեզվի ուսուցիչ` Ռ.Աֆյան |