Այս պահին «Երեւան մոլ» առեւտրի կենտրոնում իրավիճակը վերահսկողությունից դուրս է եկել: Ժամը 15: 00-ին առեւտրի կենտրոնում գտնվող «Այ էլեկտրոնիկս» խանութում ակցիա էր նախատեսված՝ 100-ական հեռուստացույց, հեռախոս եւ արդուկ վաճառվելու էր ընդամենը 1000 դրամով: Արդեն 08: 00-ից առեւտրի կենտրոնի մոտ սկսել են հավաքվել բազմաթիվ քաղաքացիներ: Քիչ առաջ իրավիճակը դուրս է եկել վերահսկողությունից, մարդկանց բազմությունը այնքան է մեծացել, որ ոստիկանները այլեւս չեն կարողացել կարգուկանոն պահպանել: Մարդիկ ճեղքել են ոստիկանների շղթան եւ լցվել խանութ: |