Թումանյանն այն հեղինակն է, որը ծնվում, մեծանում, մի ամբողջ կյանք է ապրում ամեն հայի հետ: Նա իր անտես ներկայությամբ մշտապես ուղեկցում է մեզ: Փետրվարի 19-ը մեծ լոռեցու ծննդյան օրն է, և նա արդեն որերորդ անգամ վաղ առավոտից «հյուրընկալվեց» Աբովյանի թիվ 6 ավագ դպրոցում: Հաճելի անակնկալ էր սպասվում բոլորին` ուսուցիչներին և աշակերտներին. «Անուշ» օպերայի երաժշտության ներքո ամենալավ բարեմաղթանքներով միմյանց գիրք նվիրեցին, ասմունքեցին Թումանյանի ստեղծագործություններից: Համակարգչային դասարանում ցուցադրվեցին ամենայն բանաստեղծի կյանքին և ստեղծագործությանը վերաբերող ֆիլմեր: 6-րդ դասարանցիները յուրովի մասնակցեցին օրվան` ընթերցանության մրցույթի դպրոցական փուլում ցուցաբերելով իրենց հմտությունները: Թումանյանական օրվա հաճելի ավարտը եղավ «Մեղու» համահայկական մրցույթի մրցանակակրի` Լիլի Օսիպյանի պարգևատրումը, ով գիտելիքների իր հաղթարշավը հաջողությամբ շարունակում է առարկայական օլիմպիադաների տարածքային փուլերում: Հայոց լեզվի և գրականության մեթոդմիավորում |