USD 402.56, EUR 440.64, RUB 4.58, GBP 505.01
+24 °C, +16 °C ... +28 °C Վաղը`+28 °C
+24 °C, +16 °C ... +28 °C Վաղը`+28 °C
Խոսքի ազատություն և ատելության մթնոլորտ
22:02, 03.05.2018
5968 | 0
Ինչ է խոսքի ազատությունը???? Իմ պատկերացմամբ մարդու անաչառ կարծիքը երևույթի կամ մարդու գործունեության մասին: Ո՝չ թե մարդու արտաքինի, ընտանիքի, անձնական կյանքի մասին հայհոյախառը արտահայտություններ: Դա արդեն խոսքի ազատություն չէ, դա սրբապղծություն է, կոկորդ կտրելու աստիճան: Կարող ես մտնել սոց ցանցեր, կարդալ մարդու մեկնաբանությունները այս կամ այն մարդու կամ երևույթի մասին, կիսված նյութերը, և դեմդ կկանգնի նա, ամբողջովին, առանց թաքուն տեղերի, ինչպիսի դիմակ էլ կրի: Պարզվեց, որ մեր այսպես կոչված ՙսիրո՚ հեղափոխությունը ավելի շատ ատելության հեղափոխություն է, ինչքան էլ ներկայացվի գունեղ նրբերանգներով: Սերժի ատելի վարչակարգը....Ատելի ՀՀԿ-ն, ատելի ՀՀԿ-ականները....ատելի է ամեն ինչ, ինչ կապված է ՀՀԿ-ի հետ...դերասաններ, երգիչներ, քանդակագործներ և նկարիչներ...կա մի լուսավոր կերպար կապված ՀՀԿ-ի հետ, իրոք հարգանքի արժանի Ֆելիքս Ցոլակյան... հասարակության մեջ ընդունված բանաձևը -ով մեզ հետ չի թուրք է, հիշեցրեց 30 ամյա վաղերմության ցույցերը, այն ժամանակ գոռում էին.-ով մեզ հետ չի, հայ չի: Նույն սցենարն է, բան չի փոխվել, միայն սպիրալաձև զարգացումն ասել է իր խոսքը, հայը փոխարինվել է թուրքով...դինամիկան ակնառու է...ԲՀԿ-ն և ՀՅԴ-ն լավ կողմնորոշվեցին անցան ՙժողովրդի՚ կողմը, ի վերջո ՙդամքյաշի՚ կարգավիճակը այս պահին այնքան էլ վատը չէ, մինչև կանցնի վտանգը, նամանավանդ ՙդամքյաշության՚ ահագին փորձ կա, որն էլ իրենց ազատեց ատելիի կարգավիճակից և պահպանեց պաշտոններ ստանձնելու հնարավորությունը... Նույնիսկ Կարեն Կարապետյանը անմասն չմնաց ատելությունից...Սերժի Կարենն է...թե ինչ աշխատանք է տարել Կարապետյանը այս 2 տարվա ընթացքում, այլևս ոչ ոքի հետաքրքիր չէ... ...մի բան գիտեմ, եթե կա ատելություն սերմանում, այդ սերմերը մի օր ծիլ են տալու, բերքն էլ բնականաբար վայելելու է սերմանողը... Ինչ ցանես, այն էլ կհնձես... Անեծքն էլ երկու բերան ունի, բումերանգի նման կվերադառնա անիծողին: Զգուշավոր եղեք խոսք ասելիս, 7 չափեք մեկ կտրեք, կյանքը աստիճան է, շատ մի ատեք, սիրել կա, շատ մի սիրեք, ատել կա: Գնահատեք մարդուն ըստ իր գործերի, ոչ թե պատկանելիության, քանզի չգիտեք ինչից է բխում պատկանելիությունը, ատեք ձեզ, ձեր անհաջողությունների համար, ձեր թուլությունների համար, 10 հազարներ վերցնելու համար, ձգտեք առաջին հերթին փոխել ինքներդ ձեզ... |
Հեղինակ` Մուշեղ Մինասյան
Նյութը հրապարակվել է Մամուլի խոսնակի շրջանակներում:
Կիսվի՛ր այս նյութով՝
Մուշեղ Մինասյան
Մամուլի խոսնակում հրապարակված բոլոր նյութերը ենթակա են ազատ հրապարակման և կարգավորվում են գրանցման պայմանագրով:
Այլ կայքերից նյութերի արտատպումը թույլատրվում է միայն այն դեպքում, եթե չի հակասում աղբյուրի օգտագործման պայմաններին:
Գովազդների բովանդակության համար կայքը պատասխանատվություն չի կրում: