Mamul.am
Ամբողջական տարբերակ
USD 476.45, EUR 534.43, RUB 7.58, GBP 590.89
+27 °C, +21 °C ... +35 °C Վաղը`+35 °C
Hay / Հայ | Рус | Eng | Tür
Ռուսաստանում դաժանության բուրգի հիմքերը դրած բռնակալի ստեղծած դժոխքի մասին օտարեկրացու վկայությունը
22:17, 26.05.2019

«Իմ բոլոր մտորումներն այժմ, ամենից առաջ, Եվրոպայով են համակվածՍարսափելի աղետ կլիներ, եթե ռուսական բարբարոսությունը ոչնչացներ եվրոպական հնամենի պետությունների անկախությունն ու մշակույթը: Թեպետ այդ մասին այժմ դժվար է խոսել, բայց ես հավատում եմ, որ ազգերի եվրոպական ընտանիքը կկարողանա միասնական ճակատով, ինչպես մեկ ամբողջություն, գործելԵս իմ հայացքն ուղղում եմ միասնական Եվրոպային»:

Ուինսթոն Չերչիլ (1874 - 1965), Մեծ Բրիտանիայի վարչապետ

*****

«Երբ մեր թագավորը հրամայում է իր մոտ կանչել որևէ մեկին, ապա զարմանքի արժանի է նշել, թե ինչպես է կանչվածի սիրտը ցնծում, թե ինչպես է նա ոգեշնչվում, թե որքան երջանիկ է համարում իրեն այն մարդը, որի հետ թագավորն ուզում է հանդիպել, և հետո այդ այդ մարդը լիահույս է, որ արժանանալու է թագավորի պայծառափայլ շնորհին: Բայց ինչպես արևն է տարբերվում լուսնից, այնպես էլ մեր թագավորի առաքինությունն ու ողորմածությունն է տարբերվում Մոսկովայի իշխանի (Իվան 4-րդ Ահեղ) բռնակալությունից: Եթե այդ իշխանը հրամայի իր մոտ գալ մի որևէ սենատորի կամ նշանավոր զինվորականի, ապա նա, պատրաստվելով գնալ բռնակալի մոտ, հրաժեշտ է տալիս կնոջը, երեխաներին, բարեկամներին` ասես հույս չունենալով նրանց երբևէ տեսնել: Նա համոզված է, որ ինքը մեռնելու է կա'մ մահակների հարվածներից, կա'մ սակրից, թեպետ նա գիտի, որ ինքը ոչ մի մեղք չի գործել…

Ամեն անգամ, երբ բռնակալը որևէ մեկին հրավիրում է ներկայանալ պալատ, ապա նա ասես ահեղ դատաստանի գնալիս լինի, որտեղից ոչ մեկը չի վերադառնում: Իսկ եթե մեկին վիճակվում է կենդանի դուրս գալ այնտեղից, ապա բռնակալն օպրիչնիկներ է ուղարկում, որոնք նրան ճանապարհին դարանակած են…

Հենց մոսկովցիներին ի ծնե բնորոշ է ինչ-որ չարակամություն, որի պատճառով նրանց համար սովորական է բռնակալի առջև միմյանց մեղադրելն ու զրպարտելն ու միմյանց նկատմամբ ատելություն տածելը: Իսկ բռնակալի համար այդ ամենը դուրեկան է, և նա ոչ մեկին այնքան հաճույքով չի լսում, որքան զրպարտիչներին` ամենևին չմտահոգվելով՝ նրանք ստախոս են, թե արդար, միայն մարդկանց կործանելու առիթ ունենա: Բռնակալի պալատում անվտանգ չէ մեկի հետ խոսքի բռնվելը: Եթե մեկն հանկարծ բարձրաձայն կամ ցածրաձայն մի խոսք ասի, քթի տակ մռթմռթա, ծիծաղի կամ նոթերը կիտի, ուրախանա կամ տխրի, անմիջապես մեղադրանք է հարուցվում, թե դու իր թշնամիների հետ միաբան ես կամ նրա դեմ ինչ-որ հանցավոր բան ես ծրագրում: Բայց ոչ մեկը չի կարող իր արարքն արդարացնել. Բռնակալն անմիջապես կանչում է մարդասպաններին` իր օպրիչնիկներին, որպեսզի նրանք ձերբակալեն այդ մարդուն ու այնուհետև տիրակալի աչքի առջև նրան կտոր- կտոր անեն, կա'մ գլուխը կտրեն, կա'մ ջրում խեղդեն, կա'մ էլ նետեն շների կամ արջերի դեմ` հոշոտման…Բոլոր վոեվոդների մոտ նա հեծյալ օպրիչնիկներ կամ մարդասպաններ է ուղարկում, որպեսզի նրանք բարեկամության անվան տակ ապրեն նրանց հետ` հարմար ժամանակ ընտրելով, նրանց քիչ քանակությամբ ստրուկների ուղեկցությամբ բռնացնեն կամ տաճարում, կամ տանը, կամ որտեղ հարմար կհամարեն, որպեսզի նրանց այդտեղ սպանեն ու կտոր-կտոր անեն: Այդպիսի մարդու սպանությունից հետո, եթե նա ազգականներ, բարեկամներ կամ մերձավորներ ունի, ապա, ապրելիս լինեն նրանք պալատում, թե՝ ոչ, բռնակալն հրամայում է նրանց բոլորին սպանել` սպանողներին հանձնարարելով նրանց վրա հարձակվել օրը ցերեկով, ճանապարհին, այն ժամանակ, երբ նրանք պալատ են ուղևորվում, հարձակվել ու մորթել…Մարդասպանության սովորությունը նրա համար ամենօրյա երևույթ է: Հենց որ լույսը բացվում է, քաղաքի բոլոր թաղամասերում հայտնվում են մարդասպանները և բոլոր նրանց, որոնց բռնակալն հրամայել է սպանել, անմիջապես կտոր-կտոր են անում` այնպես, որ գրեթե յուրաքանչյուր փողոցում կարելի է տեսնել երեք, չորս, իսկ երբեմն էլ ավելի շատ կտոր-կտոր արված մարդկանց, և քաղաքը լի է դիակներով: Ամեն օր նա հրամայում է քսան, երեսուն, իսկ երբեմն էլ քառասուն մարդու կտոր-կտոր անել, մի մասին ջրում խեղդել… այնպես որ դիակների չափից դուրս վանող հոտի պատճառով երբեմն դժվար է լինում պալատ մտնել…

Բռնակալի կրոնականության ու աստվածմեծարման մասին հարկ է հետևյալ նշել…Հենց որ նա աստծուն հարգանք է մատուցում, դուրս է գալիս մենաստանից և, վերադառնալով իր բարքին, հրամայում է հրապարակ բերել մարդկանց խմբեր ու ոմանց գլխատել, ուրիշներին կախել, երրորդներին մահակներով քոթակել, այլոց կտոր-կտոր անել, այնպես որ օր չի լինում, որ ապշեցուցիչ ու աներևակայելի տանջանքներով չմեռցվի մի քանի տասնյակ մարդ…

Տեղյակ եղիր նաև բռնակալի որսորդության մասին: Ձմռանը, հենց որ մարդկանց խմբերը, սովորույթի համաձայն, հավաքվում են հրապարակում անհրաժեշտ ապրանքներ գնելու համար, բռնակալն անմիջապես կարգադրում է ամբոխի մեջ ծածուկ վայրի արջեր բաց թողնել: Տեսնելով արջերին` մարդիկ դես ու դեն են փախչում, արջերն հետապնդում են փախչողներին ու, բռնելով մարդկանց, տապալում են գետնին ու այնքան են քրքրում, որ մարդը մեռնում է»:

Ալբերտ Շլիխտինգ, ռուսական գերության մեջ հայտնված գերմանացի վարձկան

Մամուլի խոսնակ` Համլետ Մելիքյան
Տեղեկացնում ենք, որ նյութը հրապարակվել է "Մամուլի խոսնակ" նախագծի շրջանակներում:
Տեղեկացրե՛ք Ձեր մտերիմներին
| |
Համլետ Մելիքյան
19:28, 01.07.2019
20:11, 30.06.2019
դեպի վեր