Mamul.am
Ամբողջական տարբերակ
USD 476.34, EUR 530.17, RUB 7.45, GBP 614.19
+22 °C, +13 °C ... +23 °C Վաղը`+21 °C
Hay / Հայ | Рус | Eng | Tür
Ինչ-որ մի տեղ… Ինչ-որ մեկը…
08:28, 03.06.2019

*

Ինչ-որ մի տեղ մեկը գրեց, թե մահացել է արդեն,

Ու կարդացին շա՜տ - շատերը…


Մեկը գրեց. «Օղորմի քեզ»,

Մեկը գրեց. «Հիմա՛ր»,

Մեկն էլ գրեց

«Աշխա՜րհ, անարդար աշխա՜րհ …»

*

Ինչ-որ մի տեղ մեկը գրեց, թե հոգնել է,

էլ չի կարող սիրել,

Ու կարդացին շա՜տ - շատերը…


Մեկը գրեց. «Օղորմի քեզ»,

Մեկը. «Հիմա՛ր» գրեց,

Մեկն էլ գրեց.

«Երանի՜ քեզ, դարդ ու ցավ չունե՞ս…»

*

Ինչ-որ մի տեղ մեկը գրեց, թե ուզում է հեռանալ,

Բայց դեռ սիրո՜ւմ է, սիրո՜ւմ…

Ու կարդացին շա՜տ - շատերը

Նույնիսկ հեռո՜ւ, հեռվո՜ւմ,


Մեկը գրեց «Օղորմի, Սեր»,

Մեկը գրեց. «Հիմա՛ր»,

Մեկն էլ գրեց

«Չհեռանա՜ս, մինչև քեզ մոտ չգամ …»

*

Մեկն անցյալի հետ հանդիպեց,

Դռներն ամուր փակեց,

Մեկն ափերով բախտն էր բռնել,

Մեկն էլ վերցրեց կախվեց…

*

Հավերժությունը կծկվել էր

օրվա,

ժամի մեջ…

վայրկյանում…

Մեկն անընդհատ Բա՜ն էր գրում

Մյուսները՝ կարդում:


Ս.Ումառ-Հարությունյան

Տեղեկացնում ենք, որ նյութը հրապարակվել է "Մամուլի խոսնակ" նախագծի շրջանակներում:
Տեղեկացրե՛ք Ձեր մտերիմներին
| |
Ստեփան Ումառ-Հարությունյան
08:12, 07.10.2019
10:13, 02.10.2019
09:20, 09.09.2019
09:27, 03.09.2019
23:51, 29.08.2019
15:57, 26.08.2019
12:03, 20.08.2019
20:38, 09.08.2019
դեպի վեր