Mamul.am
Ամբողջական տարբերակ Մամուլի խոսնակ
USD 484.83, EUR 571.91, RUB 6.61, GBP 634.16
+19 °C, +17 °C ... +29 °C Վաղը`+29 °C
Hay / Հայ | Рус | Eng | Tür
ԺԱՄԱՆԱԿԸ
23:51, 29.08.2019


Ցավս ու չոռս քեզ, Ժամանա՜կ

Ինչո՞ւ եկար անժամանակ,

Կյանքը առա՜ջ ընկավ ինձնից

Ինձ թողնելով անփառունակ:


Փա՜ռքս արևն էր՝

լույսի՜ ինձ հասանելիք մի փո՜քր կտոր

… գիշե՜ր էր,

ստիպված նկարեցի արև՜

ասացի. «Բարև՜, բարի առավոտ»:


Գիշերն էլ ասաց. «Բարև՜, հին ընկեր

առանց ինձ դժվա՜ր ես ապրելու,

ջնջի՛ր նկարդ, նկարի՛ր գիշեր

քեզ գիշե՜րն է տրված ապրելու…»


Դուրս եկավ իմ կե՜ս տարիքն եմ ապրել՝

ապրել եմ միա՜յն գիշերով,

գիշերո՜վ եմ երկնել զավակներ

թևածե՜լ գիշերվա թևերով:


Գիշերո՜վ եմ հասկացել լո՜ւյսը,

գիշերո՜վ հույսին փայփայել,

ասե՜ս, ապրել եմ միմիա՜յն դուրսը

իմ ներսո՜ւմ երբեք չեմ ապրել:


Իսկ հիմա ժամանակը մորթելով օրերս

Եկել է, չոքել սնարին,


Ժամանակ քեզ Ցավս ու չոռս,

Որ եկար անպատեհ մի պահի;


Տեղեկացնում ենք, որ նյութը հրապարակվել է "Մամուլի խոսնակ" նախագծի շրջանակներում:
Տեղեկացրե՛ք Ձեր մտերիմներին
| |
Ստեփան Ումառ-Հարությունյան
10:05, 08.08.2020
11:09, 21.07.2020
դեպի վեր