Mamul.am
Ամբողջական տարբերակ
USD 476.69, EUR 528.46, RUB 7.47, GBP 617.03
+3 °C, 0 °C ... +8 °C Վաղը`+7 °C
Hay / Հայ | Рус | Eng | Tür
«…Օ՜ Աստված իմ, դու որքա՜ն հրաշալի երկրաչափ ես»
20:25, 19.10.2019

Իսահակ Նյուտոնի Իսահակ անունով ուսուցիչը՝ անգլիացի մաթեմատիկոս և ֆիզիկոս Բարոուն (1630 - 1677) այդ ժամանակաշրջանի Անգլիայի նշանավոր աստվածաբաններից մեկն է նաև եղել: Հումորի զգացումով օժտված այս չափազանց անշահախնդիր, հաստատակամ ու շատ համեստ անձնավորության (նա կտրականապես մերժել է իր պատկերը վրձնելու խնդրանքները, և նկարիչը ստիպված է եղել գիտնականին թաքուն նկարել) պատասխանները կաթոլիկ քահանայի հարցերին հիացմունքով պատմվել են ամբողջ Եվրոպայում:

Քահանան հարցրել է. «Ի՞նչ է հավատը»:

Բարոուն պատասխանել է. «Հավատն այն է, ինչը մենք չենք տեսնում»:

Քահանան երկրորդ հարցն է տվել. «Ի՞նչ է հույսը»:

«Շատ մեծ բան է», - պատասխանել է Բարոուն:

Քահանան երրորդ հարցն է տվել. «Ի՞նչ է ողորմածությունը»:

Բարոուն պատասխանել է. «Շատ հազվագյուտ մի բան»:

Անտեսելով քահանայի նկատմամբ այս անհարգալի վերաբերմունքն ու քահանայի առարկությունները՝ եպիսկոպոսը նրան ընդունում է հոգևոր միաբանության անդամ՝ հաշվի առնելով նրա հաստատակամ անհատականությունը:

Մահվան մահճում նա ուրախությամբ հետևյալն է ասել իր շուրջը խմբված բարեկամներին.
«Աստծու օթյակում ես ի վերջո կիմանամ բազում երկրաչափական ու աստղագիտական հարցերի պատասխանները: Օ՜ Աստված իմ, դու որքա՜ն հրաշալի երկրաչափ ես»:

Մամուլի խոսնակ` Համլետ Մելիքյան
Տեղեկացնում ենք, որ նյութը հրապարակվել է "Մամուլի խոսնակ" նախագծի շրջանակներում:
Տեղեկացրե՛ք Ձեր մտերիմներին
| |
Համլետ Մելիքյան
դեպի վեր