USD 402.56, EUR 440.64, RUB 4.58, GBP 505.01
+25 °C, +16 °C ... +28 °C Tomorrow:+28 °C
+25 °C, +16 °C ... +28 °C Tomorrow:+28 °C
ԻՆՉՊԵՍ Է ԼԻՆՈՒՄ, ՈՐ ՄԱՅՐԱՔԱՂԱՔԱՅԻՆ ԹԵՐՄԱՑՔԸ ՀԱՅՏՆՎՈՒՄ Է ՇԻՐԱԿԻ ՄԱՐԶՈՒՄ
12:36, 13.04.2023
1168 | 0
Հակակոռուպցիոն կոմիտեի նախագահ Սասուն Խաչատրյանի քեռորդի Վաչե Մալաքյանը իր սանձարձակ պահվածքով բավականին երկար ժամանակ օկուպացված էր պահում Երևան Գյումրի ավտոճանապարհը՝ վերջինս զբաղեցնում էր ՀՀ ոստիկանության ճանապարհային ոստիկանության 2-րդ սպայական գումարտակի 2-րդ վաշտի հրամանատարի պաշտոնը: Այս անձի անհավասարակշիռ պահվածքը, ամբարտավանությունը և հակվածությունը որոշ խթանիչ միջոցներ օգտագործելուն, բնականաբար Սասուն Խաչատրյանին ստիպելու էր աչքից հեռու պահելու անվերահսկելի որակների տեր իր զարմիկին․ չգիտես ինչու Շիրակի մարզը այսպիսի պատահականությունների համար համարվում է հրաշալի գոտի: Սասուն Խաչատրյանը կոծկելով վերջինիս հանցակազմ պարունակող գործողությունները բազմիցս ճիգ է գործադրել այդ անձի դեմ ներքին անվտանգության վարչությունում հարուցված վարույթների կարճման, դատախազությունում և դատարաններում հանցակազմ պարունակող հիմքերի ոչնչացման, մաքսային ծառայությունում արձանագրված ինքնիրավչության դեպքերը փակելու վրա: Սա դեռ իշխանական թևի հովանավորյալի մասին: Ժամանակին Տարոն Մարգարյանի խոսքը օրենք էր որոշների համար՝ «Գազպրոմ Արմենիա» ՓԲԸ-ում ևս վերոնշյալ անձի հովանավորությամբ ծվարեց Արտակ Գալստյան անուն ազգանունով մեկը, ով տառապում է «Homo faber» -ի բարդույթներով, ով իր հայթհայթած ՇՄ ԳԳՄ տնօրենի պաշտոնը, նեոֆաշիզմին հատուկ ջանադրությամբ օգտագործում է իբրև կարգապահական միավոր: Ինքնահաստատման ճմփեքին դեգերող այս անձը փոխանակ գազի հսկայական կորուստների աղբյուրները փակի, խառնակչության փոխարեն ստեղծի աշխատանքային տանելի մթնոլորտ, հավաքագրել է հավատարիմների մի շրջանակ, որոնք զբաղված են աշխատակիցների այն խմբին, ովքեր չեն խոնարհվում և հաճոյանում «Ձերդ գերազանցությանը», ենթարկելու հետապնդման, բարոյահոգեբանական ճնշման և ի վերջո աշխատանքից ազատման: Ժամանակին այս անձի դեմ բողոք են գրել «Газпром» -ի գլխավոր տնօրեն Միլլերին, առանձնապես Աջափնյակի պետի, Աբովյանի պետի տեղակալ եղած ժամանակ էլ այս անձը այնքան էլ տանելի չի եղել: Արտակ Գալստյանը մի մասնավոր զրույցի ժամանակ ինքն իր մասին, մի հանճարեղ միտք է արտահայտել․ Մեջբերումը բառացի. Արտակ Գալստյան – վիրավորական է, երբ ընտրությունների ժամանակ իմ ձայնը և մի բոմժի ձայն հաշվում են նույն բալային սանդղակով: Հարց – պարոն Գալստյան ինչպե՞ս եք պատկերացնում ձայների այդ տարբերակումը, ին՞չ անեն. Արտակ Գալստյան – իմ ձայնը պետք է հաշվեն երեք ձայն, բոմժինը՝ մեկ ձայն… Պարոնայք գործարարներ այս որակի հոգեկերտվածք ունեցող անձանց ամենևին էլ լավություն չեք անում, ուղարկելով աչքից հեռու և այդ հեռուն ձեզ համար թող Գյումրին չլինի, գյումրեցիների հումորը մահաբեր է նման հիվանդների համար: Բարի եղեք, մենք առանց այդ էլ մեր հիվանդների ձեռքն ենք կրակն ընկել: Հասմիկ Մելքոնյան Գյումրի |
Author: Հասմիկ Մելքոնյան
The article published in the Spokesperson project.
Share with friends
Հասմիկ Մելքոնյան
All the posts published in "Spokesperson" are subject to free publishing and are regulated by the registration contract.
Copying posts from other websites is permitted only in the case when it does not contradict with conditions of usage of the source.
The website is not responsible for the content of advertisements.