Արմավիրի մարզի Բամբակաշատ գյուղի միջնակարգ դպրոցի եկեղեցու պատմության ուսուցչուհի Մերի Ղամբարյանը հոկտեմբերի 12-ին նախաձեռնեց և կազմակերպեց էքսկուրսիա` դեպի Հայաստանի հոգևոր կենտրոն Էջմիածին և Զվարթնոցի պատմաճարտարապետական արգելոց-թանգարան: Աշակերտները եղան Մայր տաճարում, ծանոթացան եկեղեցու պատմությանը, այցելեցին Մայր տաճարի թանգարան, որտեղ հմուտ և բարեհամբույր աշխատակիցը մանրամասն ներկայացրեց թանգարանային ցուցանմուշները: Աշակերտները եղան նաև Ռուբեն Սևակի թանգարանում, ուր ցուցադրվում էին երիտասարդ նկարիչների աշխատանքները: Հաջորդ կանգառը Զվարթնոցի պատմաճարտարապետական արգելոց-թանգարանն էր: Աշակերտներին հիացրեց այն, ինչ տեսան: Այստեղ նույնպես մեզ ուղեկցեց հմուտ աշխատակիցը, ով հանգամանալից ներկայացրեց Զվարթնոցի պատմաճարտարապետական արգելոց-թանգարանի պատմությունը: Օրը հագեցած էր, էքսկուրսիան` հաջողված: |