USD 402.56, EUR 440.64, RUB 4.58, GBP 505.01
+14 °C, +8 °C ... +21 °C Tomorrow:+23 °C
+14 °C, +8 °C ... +21 °C Tomorrow:+23 °C
Սեպտեմբերյան ղողանջներ…
15:46, 27.11.2013
5112 | 1
Կրկին տոն էր Բամբակաշատի միջնակարգ դպրոցում, տոն, որն ազդարարում էր նոր ուսումնական տարվա սկիզբը: Դպրոցի բակը զարդարված էր ծաղիկներով, գունավոր փուչիկներով և պաստառներով: Բոլորը հուզված էին, որովհետև ուրախությունն ու տխրությունը միախառնվել էին իրար: Դպրոց էին այցելել 2012-2013 ուսումնական տարվա շրջանավարտները: Նրանք եկել էին իրենց երախտագիտության և ողջույնի խոսքն ասելու հարազատ դպրոցին և ուսուցիչներին: Նոր ուսումնական տարի: Շրջեցինք հարազատ դպրոցի տարեգրության ևս մեկ էջ և սկսում ենք գրել այդ տարեգրության հաջորդ գլուխները: Ողջ ՀՀ ուսումնական հաստատություններում և կրթօջախներում այդ օրը հնչեցին հազար շեփորներ, թնդացին հազար թմբուկներ, քանզի հույսի և լույսի տոն էր, խնդություն ու բերկրանք: Սեպտեմբերի մեկը խորհրդանշում է նոր ուսումնական տարվա սկիզբ, գիտության և դպրության օր: Այդ օրը ճանապարհները բոլորին տանում են դեպի հարազատ կրթօջախ և բնական է ցանկալ, որ ուսումնառության սկիզբը լինի հաջող և խոստումնալից: Հարազատ դպրոցին, սիրելի դպրոցականներին և ուսուցիչներին բարեմաղթանքի և ողջույնի խոսք հղեց դպրոցի տնօրեն տիկին Գայանե Պարոնյանը: Սրտանց շնորհավորելով դպրոցականներին՝ նա մաղթեց հաջողություններ և ձեռքբերումներ ուսումնառության ողջ տարիների ընթացքում: Արմավիրի մարզպետարանի աշխատակազմի քարտուղարության պետ, դպրոցի կառավարման խորհրդի նախագահ Դավիթ Դավթյանը ջերմորեն շնորհավորեց նոր ուսումնական տարվա կապակցությամբ և ներկայացրեց մարզպետի ուղերձը: Սեպտեմբերմեկյան տոնակատարությանը դպրոցում ներկա էին նաև համայնքի ղեկավար Ա. Եղիազարյանը և վաստակած հանգստի անցած շատ մանկավարժներ: Բամբակաշատի միջնակարգ դպրոցի տնօրենությունը, ողջ մանկավարժական կազմը շնորհավորեց նաև նրանց և հայտնեց խորհին շնորհակալություն նրանց անձնուրաց աշխատանքի, նվիրվածության և մեծ վաստակի համար, քանզի նրանց հոգատարության և աշխատասիրության, պատասխանատվության և մեծ ջանքերի շնորհիվ է, որ կայացել է այս դպրոցը: Միջոցառումն ավելի գեղեցկացավ, երբ հնչեց Բամբակաշատ գյուղի Սուրբ Մարիամ Աստվածածին եկեղեցու քահանա տեր Գևորգ Միրզախանյանի խոսքը: Ամեն մի միջոցառում էլ ավելի է գեղեցկանում, երբ հնչում է օրհնանքի խոսքը՝ շաղախված աստվածային լույսով: |
Spokesperson: «Բամբակաշատի միջնակարգ դպրոց»ՊՈԱԿ
The article published in the Spokesperson project.
Share with friends
«Բամբակաշատի միջնակարգ դպրոց»ՊՈԱԿ
17:06, 15.05.2024 - Համլետ Մելիքյան
427 | 0
17:27, 16.05.2024 - Համլետ Մելիքյան
398 | 0
14:58, 17.05.2024 - Հասմիկ Կարապետյան
355 | 0
All the posts published in "Spokesperson" are subject to free publishing and are regulated by the registration contract.
Copying posts from other websites is permitted only in the case when it does not contradict with conditions of usage of the source.
The website is not responsible for the content of advertisements.